ՀՀ ԳԱԱ Հ. Բունիաթյանի անվան կենսաքիմիայի ինստիտուտին կից 042 մասնագիտական խորհուրդը գործում է 1976 թվականից: Խորհրդի առաջին հիմնադիր նախագահը եղել է ՀՀ ԳԱԱ Կենսաքիմիայի ինստիտուտի տնօրեն, ակադեմիկոս Հրաչյա Բունիաթյանը: Խորհրդի գիտական քարտուղարը հիմնադրման օրից մինչև 2009 թվականը եղել է կ.գ.դ., պրոֆեսոր Արմեն Սիմոնյանը: 1981 թվականից խորհուրդը ղեկավարել է ՀՀ ԳԱԱ ակադեմիկոս, պրոֆ. Արմեն Գալոյանը: 2009-2011 թթ. խորհուրդը ղեկավարել  է Հ. Բունիաթյանի անվան կենսաքիմիայի ինստիտուտի տնօրեն, կ.գ.դ., պրոֆեսոր Գևորգ Գևորգյանը: 2012 թվականից խորհրդի նախագահն է ակադեմիկոս Արմեն Գալոյանը, գիտական քարտուղարն է կ.գ.թ., դոցենտ Հռիփսիմե Հայրապետյանը: Խորհուրդը հանդիսանում է միջինստիտուտային գիտական կառույց, որն իր գոյության ընթացքում կարևոր գիտակազմակերպչական աշխատանք է կատարել կենսաքիմիայի, մոլեկուլային և բջջային կենսաբանության, գենետիկայի  գծով բարձր որակավորում ունեցող գիտական կադրերի պատրաստման գործում, որտեղ քննարկվել և հաստատվել են ավելի քան 500 թեկնածուական և դոկտորական ատենախոսություններ:

 

2012թ. խորհուրդը վերանվանվել է Կենսաքիմիայի, մոլեկուլային կենսաբանության և ֆիզիոլոգիայի 042 մասնագիտական խորհուրդ, որը գործում է ՀՀ ԳԱԱ Հ. Բունիաթյանի անվան կենսաքիմիայի ինստիտուտում: